ისრაელში ახალი საბადოდან ბუნებრივი გაზის პირველი ნაკადი მიიღეს

ისრაელში ახალი საბადოდან ბუნებრივი გაზის პირველი ნაკადი მიიღეს. ქვეყანა, რომელიც ერთ დროს ენერგეტიკულად ღარიბი იყო დიდი ალბათობით ათწლეულის ბოლოს გაზის ექსპორტიორი გახდება. 2009 წელს აღმოჩენილ საბადოში გაზის იმხელა მარაგია, რომ მთელი ქვეყნის მოთხოვნილების დაკმაყოფილებას რამდენიმე ათწლეულის განმავლობაში შეძლებს. ისრაელის წყლისა და ენერგეტიკის სამინისტროს განცხადებით, გაზის ასეთი რეზერვების პირობებში, ელექტროენერგიის ტარიფი გაიაფდება, რადგან მისი წარმოების ხარჯები მნიშვნელოვნად შემცირდება. ამ აღმოჩენით, ისრაელის ეკონომიკა, რომელიც ნავთობის იმპორტზე დიდად იყო დამოკიდებული, ყოველწლიურად 2.6 მილიარდ დოლარს დაზოგავს.