საქართველოს ეროვნული ბანკის ინფორმაციით საქართველოში უცხოეთიდან შემოსული ფულადი გზავნილების მოცულობამ 2011 წლის აგვისტოში 102.3 მილიონი აშშ დოლარი შეადგინა, რაც ივლისის მაჩვენებელთან შედარებით 3 მილიონით, ხოლო 2010 წლის ანალოგიურ პერიოდთან შედარებით 20.8 მილიონი აშშ დოლარით მეტია.
ქვეყანაში შემოსული ფულადი გზავნილების უდიდესი წილი 60.7%, ანუ 61.5 მილიონი აშშ დოლარი რუსეთზე მოდის, მას მოსდევს საბერძნეთი - 7.3%-ით, ანუ 7.5 მილიონი აშშ დოლარით, შემდეგია იტალია - 6.5%-ით, ანუ 6.7 მილიონი აშშ დოლარით, ამერიკის შეერთებული შტატებიდან შემოსულმა თანხამ მთლიანი გზავნილების 5.8%, ანუ 5.9 მილიონი აშშ დოლარი და უკრაინიდან შემოსულმა თანხამ - 4.3%, ანუ 4.4 მილიონი აშშ დოლარი შეადგინა.
