რუსეთის უშიშროების ფედერალურმა სამსახურმა წამოაყენა წინადადება ქვეყანაში Gmail-ის, Hotmail-ის და Skype-ის გამოყენება აიკრძალოს. უშიშროების ფედერალურმა სამსახურმა შეშფოთება გამოთქვა რუსეთში მონაცემთა გადაცემის სერვისებით სარგებლობის დროს უცხოური ალგორითმებით შედგენილი შიფრების გამოყენების გამო. უშიშროების სამსახურის ერთ-ერთი განყოფილების უფროსმა, ალექსანდრ ანდრეეჩკინმა აღნიშნა, რომ ეს სერვისები რუსეთის ეროვნულ უსაფრთხოებას საფრთხეს უქმნის. მაგალითებად მან Gmail-ი, Hotmail-ი და Skype-ი დაასახელა.
უშიშროების ფედერალური სამსახურის წარმომადგენლებმა თავიანთი ინიციატივა იმით ახსნეს, რომ დაშიფრვის ის სისტემები, რომელსაც Gmail-ი, Hotmail-ი და Skype-ი იყენებენ, ოპერატიული ღონისძიებების განხორციელებას ართულებს. თუმცა, რუსი ოფიციალური პირები აცხადებენ, რომ საქმე ამ სერვისების დაბლოკვამდე არ მივა. ”ჩვენი პოზიცია ასეთია - არ შეიძლება მოქალაქეებს რამე აუკრძალო, განსაკუთრებით ინტერნეტი. შეიძლება დაშიფრვის რაიმე საშუალება შესთავაზო, მაგრამ ეს საშუალებები უფასო უნდა იყოს,” განაცხადა რუსეთის ელექტრონული და საფოსტო კავშირგაბმულობის სამინისტროს ხელმძღვანელმა, ილია მასუხმა.
უშიშროების ფედერალური სამსახურის წარმომადგენლებმა თავიანთი ინიციატივა იმით ახსნეს, რომ დაშიფრვის ის სისტემები, რომელსაც Gmail-ი, Hotmail-ი და Skype-ი იყენებენ, ოპერატიული ღონისძიებების განხორციელებას ართულებს. თუმცა, რუსი ოფიციალური პირები აცხადებენ, რომ საქმე ამ სერვისების დაბლოკვამდე არ მივა. ”ჩვენი პოზიცია ასეთია - არ შეიძლება მოქალაქეებს რამე აუკრძალო, განსაკუთრებით ინტერნეტი. შეიძლება დაშიფრვის რაიმე საშუალება შესთავაზო, მაგრამ ეს საშუალებები უფასო უნდა იყოს,” განაცხადა რუსეთის ელექტრონული და საფოსტო კავშირგაბმულობის სამინისტროს ხელმძღვანელმა, ილია მასუხმა.
