დავოსში, მსოფლიო ეკონომიკურ ფორუმზე, აშშ-ს პრეზიდენტ დონალდ ტრამპისა და უკრაინის პრეზიდენტ ვოლოდიმირ ზელენსკის შორის შეხვედრა გაიმართა.
მოლაპარაკებები დაახლოებით ერთ საათს გაგრძელდა და მხარეებმა შეხვედრა დადებითად შეაფასეს.
ტრამპმა ჟურნალისტებთან მოკლე საუბრისას განაცხადა, რომ შეხვედრამ "კარგად" ჩაიარა.
"ძალიან კარგი შეხვედრა მქონდა პრეზიდენტ ზელენსკისთან, ყველას სურს, რომ ომი დასრულდეს" - თქვა ტრამპმა.
შეხვედრას უკრაინის პრეზიდენტის მრჩეველმა დმიტრო ლიტვინმაც "კარგი" უწოდა.
