ვლადიმირ პუტინისა და სტივ უიტკოფის შეხვედრა დასრულდა

რუსეთის პრეზიდენტ ვლადიმირ პუტინისა და აშშ-ს პრეზიდენტ დონალდ ტრამპის სპეციალური წარმომადგენლის, სტივ უიტკოფის შეხვედრა დასრულდა.

შეხვედრა დაახლოებით 5 საათს გაგრძელდა და მოლაპარაკებები რუსეთ-უკრაინის ომის დასრულებას შეეხო.

მოლაპარაკებებში ჩართულმა რუსეთის პრეზიდენტის უცხო ქვეყნებთან საინვესტიციო-ეკონომიკური თანამშრომლობის საკითხებში სპეციალურმა წარმომადგენელმა, კირილ დმიტრიევმა სოციალურ ქსელ X-ზე დაწერა, რომ შეხვედრა პროდუქტიული იყო.

შეხვედრაში ასევე მონაწილეობდა დონალდ ტრამპის სიძე, ბიზნესმენი ჯარედ კუშნერი.