პრეზიდენტ ვოლოდიმირ ზელენსკის თქმით, უკრაინამ 17 ნოემბერს საფრანგეთთან ერთად ხელი მოაწერა ხელშეკრულებას, რომლის ფარგლებშიც უკრაინა აცხადებს, რომ მომდევნო ათი წლის განმავლობაში საფრანგეთისგან 100 ერთეული Rafale-ის ტიპის ავიაგამანადგურებლის შესყიდვა სურს.
"ეს იქნება საუკეთესო საჰაერო თავდაცვა, ერთ-ერთი საუკეთესო მსოფლიოში," განუცხადა ზელენსკიმ რეპორტიორებს დოკუმენტზე ხელმოწერის შემდეგ.
"ჩვენ Rafale-ებს ვგეგმავთ, 100 Rafale-ს - ეს უზარმაზარია. ესაა საჭირო უკრაინის ჯარის აღსადგენად," განუცხადა მაკრონმა LCI TV-ს და დაამატა, რომ შეთანხმება კარგი ამბავია საფრანგეთისთვის და კომპანია Dassault-ისთვის.
მანამდე გამოცემა Reuters წერდა, რომ ლიდერები კიევის საჰაერო თავდაცვის სისტემებით, სამხედრო თვითმფრინავებითა და რაკეტებით მომარაგებაზე შეთანხმებების გაფორმებას აპირებდნენ.
