მექსიკის მთავრობამ 12 ოქტომბერს განაცხადა, რომ რამდენიმედღიან უხვ ნალექსა და წყალდიდობას, სულ მცირე, 44 ადამიანი ემსხვერპლა.
ტროპიკულმა ქარიშხლებმა, პრისცილამ და რეიმონდმა წყალდიდობები 5 შტატში გამოიწვიეს.
მთავრობის განცხადების მიხედვით, 18 ადამიანი ვერაკრუსის შტატში, იდალგოს შტატში -16, ხოლო დანარჩენები პუებლასა და კერეტაროში დაიღუპნენ.
ქვეყნის პრეზიდენტი კლაუდია შეინბაუმი მთავრობის სხვა წევრებთან ერთად 139 დაზარალებული ქალაქის დასახმარებელი გეგმის შედგენაზე მუშაობს.
