ბელარუსის პრეზიდენტის, ალექსანდრ ლუკაშენკოს თქმით, რუსეთი და ბელარუსი ერთობლივი სამხედრო წვრთნებისას ბელარუსში განლაგებული რუსული ტაქტიკური ბირთვული იარაღის გაშვების რეპეტიციასაც გადიან.
ამასთან, სამთავრობო მედიის ცნობით, "ზაპად-2025-ის" წვრთნების დროს გამოიყენეს საშუალო რადიუსის რუსული ბალისტიკურ რაკეტაც, რომელიც კრემლმა წინა წელს უკრაინის წინააღმდეგ ომში გამოცადა.
ბელარუსის სამთავრობო მედია BelTA ციტირებს ლუკაშენკოს, რომელმაც თქვა, რომ “ზაპად-2025-ის” ფარგლებში ტაქტიკური რუსული ბირთვული იარაღის გამოყენება ბუნებრივი და მოსალოდნელი იყო.
“ჩვენ ყველაფერს ვიყენებთ პრაქტიკებში, მათ [დასავლეთმა] ეს იციან, ჩვენ არაფერს ვმალავთ…” - განაცხადა ლუკაშენკომ და დაამატა, რომ ისინი ამით არავის შეშინებას არ ცდილობენ.
რუსეთისა და ბელარუსის ერთობლივი სამხედრო წვრთნები, სახელად “ზაპად-2025”, უკვე ხუთი დღეა მიმდინარეობს.
