2025 წლის ემის დაჯილდოების ტრიუმფატორები The Studio და Adolescence გახდნენ.
სერიალმა The Studio-მ 13 ჯილდო მიიღო და გახდა ერთი სეზონში ყველაზე მეტი ემის მფლობელი კომედიური სერიალი. აქამდე რეკორდი სერიალ The Bear-ს ეკუთვნოდა, რომელმაც გასულ წელს 11 ჯილდო მიიღო.
საუკეთესო მინისერიალად Adolescence დასახელდა. ბრიტანულმა დრამამ 6 კატეგორიაში გაიმარჯვა, ჯილდო მიიღო სერიალის 15 წლის ვარსკვლავმა ოუენ კუპერმაც.
არ გაუმართლა Severance-ს, რომელიც 17 ნომინაციით დაჯილდოების ლიდერად მოიაზრებოდა, თუმცა მხოლოდ ორი ჯილდოს მოპოვება შეძლო.
საუკეთესო დრამატული სერიალის კატეგორიის გამარჯვებული The Pitt გახდა.
ემის დაჯილდოების გამარჯვებულები მთავარ კატეგორიაში არიან:
- საუკეთესო დრამატული სერიალი – The Pitt;
- საუკეთესო კომედიური სერიალი – The Studio;
- საუკეთესო მინისერიალი – Adolescence;
- საუკეთესო დრამატული მსახიობი კაცი – ნოა უაილი (The Pitt);
- საუკეთესო დრამატული მსახიობი ქალი – ბრიტ ლოუერი (Severance);
- საუკეთესო მეორეხარისხოვანი დრამატული როლის შემსრულებელი მსახიობი კაცი – ტრამელ ტილმანი (Severance);
- საუკეთესო მეორეხარისხოვანი დრამატული როლის შემსრულებელი მსახიობი ქალი – კეტრინ ლანასა (The Pitt);
- საუკეთესო კომედიური მსახიობი კაცი – სეტ როგენი (The Studio);
- საუკეთესო კომედიური მსახიობი ქალი – ჯინ სმარტი (Hacks);
- საუკეთესო მეორეხარისხოვანი კომედიური როლის შემსრულებელი მსახიობი კაცი – ჯეფ ჰილერი (Somebody Somewhere);
- საუკეთესო მეორეხარისხოვანი კომედიური როლის შემსრულებელი მსახიობი ქალი – ჰანა ეინბაინდერი (Hacks);
- საუკეთესო მსახიობი კაცი მინისერიალში – სტივენ გრემი (Adolescence);
- საუკეთესო მსახიობი ქალი მინისერიალში – კრისტინ მილიოტი (The Penguin);
- საუკეთესო მეორეხარისხოვანი როლის შემსრულებელი კაცი მინისერიალში – ოუენ კუპერი (Adolescence);
- საუკეთესო მეორეხარისხოვანი როლის შემსრულებელი ქალი მინისერიალში – ერინ დოერტი (Adolescence);
2025 წლის ემის გამარჯვებულების სრულ სიას გაეცანით ამ ბმულზე.
