შინაგან საქმეთა სამინისტროს ცნობით, კახეთში განზრახ მკვლელობის ბრალდებით 2004
წელს დაბადებული წარსულში ნასამართლევი ე.გ. დააკავეს.
დანაშაული 10-დან 15 წლამდე ვადით თავისუფლების აღკვეთას ითვალისწინებს.
“გამოძიებით დადგინდა რომ, საგარეჯოს მუნიციპალიტეტის სოფელ იორმუღანლოში,
ბრალდებულმა წარსულში არსებული კონფლიქტის ნიადაგზე მომხდარი
ურთიერთშელაპარაკებისას, 1999 წელს დაბადებულ ქ.მ.-ს ცივი იარაღის
გამოყენებით გულმკერდის არეში სასიკვდილო ჭრილობები მიაყენა და შემთხვევის
ადგილიდან მიიმალა. დაჭრილი ახალგაზრდა საავადმყოფოში მიყვანამდე
გარდაიცვალა.
ჩატარებული საგამოძიებო მოქმედებების შედეგად სამართალდამცველებმა
ბრალდებული ცხელ კვალზე დააკავეს. დანაშაულის ჩადენის იარაღი - დანა
ნივთმტკიცებადაა ამოღებული.
გამოძიება საქართველოს სისხლის სამართლის 108-ე მუხლით მიმდინარეობს”. - ნათქვამია განცხადებაში.
განზრახ მკვლელობა
გულმკერდის არეში დანით სასიკვდილოდ დაჭრა - შსს-მ 2004 წელს დაბადებული პირი დააკავა
