ივანიშვილის საგარეო საქმეთა მინისტრის, მაკა ბოჭორიშვილის პირველ მოადგილედ გიორგი ზურაბაშვილი დაინიშნა.
შესაბამისი ბრძანება ივანიშვილის წარმომადგენელმა ირაკლი კობახიძემ გამოსცა, რომლის მიხედვითაც, ზურაბაშვილი ახალ პოსტს დღეიდან, პირველი ივლისიდან იკავებს. იქამდე, 2024 წლის 3 დეკემბრიდან, ის მინისტრის მოადგილე იყო.
ივანიშვილის საგარეო საქმეთა მინისტრს პირველი მოადგილე არ ჰყავდა. წინა მინისტრის ყოფილი პირველი მოადგილე ლაშა დარსალია ახლა ბოჭორიშვილის მოადგილედ გააგრძელებს მუშაობას - მას პირველი მოადგილის უფლებამოსილება 2024 წლის 30 ნოემბერს შეუწყდა.
