აშშ-ს ტენესის შტატის საგზაო პატრულის ინფორმაციით, კოფის ოლქში თვითმფრინავი ჩამოვარდა, რომლის ბორტზეც რამდენიმე ადამიანი იმყოფებოდა.
"პირველადი ცნობებით, ბორტზე 16-20 ადამიანი იმყოფებოდა. ზოგიერთ მათგანი ახლომდებარე საავადმყოფოებში [ვერტმფრენით] გადაიყვანეს," წერს საგზაო პოლიცია X-ზე გავრცელებულ პოსტში.
ამასთანავე, Facebook-ზე გავრცელებულ პოსტში პატრულმა აღნიშნა, რომ რამდენიმე პირი ადგილობრივ საავადმყოფოებში გადაიყვანეს, ხოლო ნაწილს დახმარება ადგილზევე აღმოუჩინეს.
სამართალდამცავი ორგანოების მიხედვით, პირველადი ინფორმაცია მიანიშნებს, რომ თვითმფრინავი სქაიდაივინგის დანიშნულების იყო.
