25 აპრილს, რუსეთმა უპილოტო საფრენი აპარატებით დნეპროპეტროვსკის ოლქის ქალაქ პავლოდარზე იერიში მიიტანა.
რეგიონის სამხედრო ადმინისტრაციის მეთაურის, სერგეი ლისაკის განცხადების თანახმად, რუსული იერიშის შედეგად დაიღუპა 3 ადამიანი, მათ შორის ერთი ბავშვი.
გარდა ამისა, ლისაკის ცნობით, დაშავდა 8 ადამიანი. დაჭრილთაგან 6 გადაყვანილია საავადმყოფოში, ერთის მდგომარეობა მძიმეა.
მეთაურის თქმით, რუსეთმა დნეპროპეტროვსკის სხვა ქალაქებზეც მიიტანა იერიში, როგორც დრონებით, ისე ზალპური ცეცხლის სარაკეტო სისტემა გრადით.
საჰაერო თავდაცვის სისტემების მიერ დნეპროპეტროვსკის თავზე ჩამოგდებულია 11 რუსული დრონი.
