19 მარტის ღამეს, რუსეთმა კიროვგრადის ადმინისტრაციულ ოლქზე, კროპივნიცკზე უპილოტო საფრენი აპარატებით მასიური იერიში მიიტანა.
რუსული თავდასხმის შედეგად დაშავდა 8 ადამიანი, მათ შორის ერთი ბავშვი.
კიროვგრადის საოლქო ადმინისტრაციის მეთაურის, ანდრეი რაიკოვიჩის თქმით, კროპივნიცკმა ომის დაწყების შემდეგ ყველაზე მასიური იერიში გადაიტანა.
"დანგრეულია საცხოვრებელი სახლები: კერძო სექტორი და მრავალსართულიანი კორპუსები. თითქოს დაცინვაა, მტრის დრონებმა იერიში მშვიდობის ქუჩაზე მიიტანეს". – ამბობს რაიკოვიჩი.
გარდა ამისა, იერიშის შედეგად კიროვგრადის ოლქში დაზიანებულია სარკინიგზო კომპანია Укрзализныци-ის ინფრასტრუქტურა. რის გამოც რამდენიმე საათით შეფერხდა სარკინიგზო მოძრაობა.
