6 თებერვალს უკრაინამ განაცხადა, რომ მზადაა უკრაინის არმიის მიერ დაპყრობილ სასაზღვრო რაიონებში ჩარჩენილი რუსი მოქალაქეებისთვის ჰუმანიტარული დერეფნის გასახსნელად მოსკოვთან ითანამშრომლოს.
არსებული შეფასებებით, სამხრეთ-დასავლეთ კურსკის რეგიონის იმ ტერიტორიებზე, რომლებიც უკრაინის არმიამ აგვისტოში დაწყებული მოულოდნელი საზღვრისპირა შეტევის შედეგად დაიკავა ახლაც ცხოვრობს 1500-ზე მეტი სამოქალაქო პირი.
"ჩვენ მზად ვართ კურსკის რეგიონიდან... რუსეთში ჰუმანიტარული დერეფანი გავხსნათ, რუსეთის ფედერაციის ოფიციალური მოთხოვნის საპასუხოდ" - ნათქვამია პრეზიდენტ ვოლოდიმირ ზელენსკის ოფისის განცხადებაში, რომელიც AFP-ს გადაეცა.
"როგორც ჩანს, რუსებს ასეთი ჰუმანიტარული დერეფანი არ სურთ, რადგან მათგან შესაბამისი მოთხოვნა არ მიგვიღია" - ამბობენ უკრაინის პრეზიდენტის ადმინისტრაციაში და მოსკოვს საკუთარი მოქალაქეების ბედი "უყურადღებობაში" ადანაშაულებენ.
![რუსთაველზე აქციის რამდენიმე მონაწილე დააკავეს - მათ შორის ერთი, ტაშის კვრის გამო [VIDEO]](https://api.tabula.ge/files/styles/news_thumb_md/public/photos/2025/03/image_2025-03-21_213819666.png.jpg?itok=sBczRkHb)
