10 დეკემბერს რუსეთის ძალებმა ზაპოროჟიეზე იერიში მიიტანეს, რის შედეგადაც განადგურდა კერძო კლინიკა და დააზიანდა ახლომდებარე საცხოვრებელი სახლები.
კერძო კლინიკაზე თავდასხმის შედეგად, საღამოს მდგომარეობით, დაიღუპა 4 ადამიანი, ხოლო 21 პირი, მათ შორის ერთი ერთი ბავშვი, დაიჭრა.
11 დეკემბრის დილის მდგომარეობით, რუსული თავდასხმის შედეგად ზაპოროჟიეში დაღუპულთა რაოდენობა 6-მდე გაიზარდა.
ამასთან დაკავშირებით ინფორმაციას, უკრაინის საგანგებო სიტუაციების მართვის სამსახური და ზაპოროჟიის ოლქის სახელმწიფო ადმინისტრაციის ხელმძღვანელი, ივან ფედოროვი ავრცელებენ.
პოლიციის ინფორმაციით, სხვადასხვა სიმძიმის დაზიანებები მიიღო 12 ქალმა, 9 მამაკაცმა და 5 წლის გოგონამ. ნანგრევებში შესაძლოა 5 ადამიანი იმყოფებოდეს. საგანგებო-სამაშველო სამუშაოები ამ წუთას გრძელდება. ადგილზე ქალაქის ყველა საგანგებო სამსახური მუშაობს.
