შიკორსკი: ბაიდენმა ომში ჩრდ. კორეელი სამხედროების ჩართვას იმ ენით უპასუხა, რაც პუტინს ესმის

წერს პოლონეთის საგარეო საქმეთა მინისტრი რადოსლავ შიკორსკი X-ზე და ბაიდენის მიერ უკრაინისთვის მიწოდებული ამერიკული შორი რადიუსის რაკეტების რუსეთში გამოყენებაზე შეზღუდვის მოხსნის ცნობას ეხმაურება.

მანამდე, გამოცემა New York Times-მა ამერიკელ მაღალჩინოსნებზე დაყრდნობით გაავრცელა ინფორმაცია, რომ ჯო ბაიდენმა უკრაინას პირველად დართო ნება, რუსეთში იერიშებისთვის აშშ-ს მიერ მიწოდებული შორი რადიუსის რაკეტები, როგორიცაა ATACMS-ები, გამოიყენოს.

მოგვიანებით, გამოცემა ამერიკულ Axios-ს საკითხში გარკვეულმა წყარომ დაუდასტურა, რომ ATACMS-ების გამოყენების უფლება მხოლოდ კურსკის ოლქზე ვრცელდება.