თბილისში საახალწლო განათებებს ამონტაჟებენ. თბილისის მერიის ცნობით, ილუმინაციები და კონსტრუქციები, საერთო ჯამში, 90-მდე ქუჩასა და 30-მდე სკვერში მოეწყობა.
"თბილისის მასშტაბით აქტიურად მიმდინარეობს საახალწლო განათებების მოწყობა. გამომდინარე იქიდან, რომ ქალაქში მოცულობითი სამუშაოებია შესასრულებელი, განათებების მონტაჟი ნოემბრის დასაწყისში დავიწყეთ და დეკემბრის დასაწყისში დასრულდება“, - ამბობს თბილსერვის ჯგუფის დირექტორი, გიორგი პაპავა.
