უკრაინამ რუსეთში, ქალაქ სარატოვში მდებარე ნავთობბაზაზე უპილოტო საფრენი აპარატებით იერიში მიიტანა. ინფორმაციას მედიები დაზვერვის მთავარი სამმართველოს წყაროზე დაყრდნობით ავრცელებენ.
წყაროს ცნობით შეტევა 8 ნოემბრის ღამეს მოხდა. იერიშის შედეგად დაზიანდა სარატოვში მდებარე როსნეფტის ერთ-ერთი ნავთობის ბაზა.
იერიშის ამსახველი ვიდეომასალა ადგილობრივ რუსულ ტელეგრამ არხებშიც გავრცელდა.
Telegram-ში წერენ, რომ დრონები საჰაერო თავდაცვის სისტემებმა ჩამოაგდო, მაგრამ ნამსხვრევები ბაზის ტერიტორიაზე ჩამოვარდა. შედეგად გაჩნდა ხანძარი და დაზიანდა მაზუთის საცავი.
