ამსტერდამის პოლიციის ცნობით, დედაქალაქში ფეხბურთის ისრაელელ გულშემატკივრებზე მომხდარი თავდასხმის შედეგად, ხუთი ადამიანი საავადმყოფოშია გადაყვანილი, ხოლო 62 პირი პოლიციამ დააკავა.
X-ზე გავრცელებული პოსტის მიხედვით, პოლიციამ რამდენიმე ძალადობრივი ინციდენტის საქმეზე მასშტაბური გამოძიება დაიწყო.
გუშინ ღამით ნიდერლანდების დედაქალაქ ამსტერდამში ისრაელური საფეხბურთო გუნდის, მაკაბი თელ-ავივისა, და ნიდერლანდური გუნდის, აიაქსის მატჩის შემდეგ ასობით ისრაელელ გულშემატკივარს თავს დაესხნენ.
ისრაელელი გულშემატკივრები ამბობდნენ, რომ ამსტერდამის ქუჩებში აიაქსთან მაკაბი თელ-ავივის მარცხის შემდეგ თავს დაესხნენ. ვიდეოებში ჩანს, რომ შენიღბული თავდამსხმელები პალესტინის დროშებს ატარებენ და პროპალესტინურ ლოზუნგებს ყვირიან.
