რუსეთში, დაღესტნის რესპუბლიკაში მდებარე ქალაქ კასპიისკზე უკრაინამ უპილოტო საფრენი აპარატებით იერიში მიიტანა.
იერიშის შესახებ ოფიციალური ინფორმაცია არ გაუკეთებია რუსეთის თავდაცვის სამინისტროს. თუმცა ადგილობრივ Telegram არხებში დრონების ვიდეოები ვრცელდება.
გამოცემა Baza-ს ინფორმაციით, იერიშის გამო მაჰაჩყალის აეროპორტში სამი რეისი შეაჩერეს.
ამ ეტაპზე უცნობია კონკრეტულად რა ობიექტებზე მოხდა თავდასხმა ქალაქ კასპიისკში.
რუსული მედიის ცნობით, იერიშის შედეგად 16 წლის გოგო დაშავდა.
