რუსეთში, ჩეჩნეთში, რუსეთის ფედერაციის ეროვნული გვარდიის (როსგვარდია) სატვირთო მანქანას თავს დაესხნენ.
უცნობმა თავდამსხმელებმა პეტროპავლოვსკის სადგურთან ახლოს სამხედრო სატვირთო მანქანა Урал-ს ცეცხლი გაუხსნეს.
ამის შესახებ ინფორმაცია პირველად რუსეთის საზღვრებს გარეთ მყოფმა ჩეჩნეთის ოპოზიციური მოძრაობამ, NIYSO-მ გაავრცელა. მოძრაობის ცნობით, თავდასხმის შედეგად 3 რუსი სამხედრო მოკვდა.
"სავარაუდოდ სამი თანამშრომელი მოკლულია, თავდამსხმელები მიიმალნენ". - წერს NIYSO.
სხვა ინფორმაციას ავრცელებს პროკრემლისტური Telegram-არხი, Mash, რომელიც წერს, რომ თავდასხმის შედეგად დაიღუპა 1 თანამშრომელი.
