აშშ-მ პირველად განაცხადა, რომ რუსეთში ჩრდილოეთ კორეელი ჯარისკაცების ყოფნის დამადასტურებელი მტკიცებულებები აქვთ. ამას გარდა, სამხრეთ კორეელმა პარლამენტარებმა განაცხადეს, რომ ჩრდილოეთ კორეამ დაახლოებით 3 000-მდე ჯარისკაცი გაგზავნა უკრაინასთან ომში რუსეთის მხარდასაჭერად.
აშშ-ს თავდაცვის მდივნის, ლოიდ ოსტინის თქმით, "ძალიან სერიოზული" იქნება, თუკი ჩრდილოეთ კორეელები უკრაინაში რუსების გვერდით საბრძოლველად ემზადებიან. ხოლო უკრაინული მხარის ცნობით, ჩრდილოეთ კორეელი ჯარისკაცების რუსეთში ყოფნის მიზეზი ომში ჩართვაა, თუმცა ოსტინი ამბობს, რომ ჯერ კიდევ სანახავია, თუ რას აკეთებენ ისინი რუსეთში.
სამხრეთ კორეის პარლამენტარებმა, რომლებსაც ამ საკითხზე ქვეყნის ეროვნული სადაზვერვო სააგენტო ესაუბრა, რეპორტიორებთან განაცხადეს, რომ ჩრდილოეთ კორეა რუსეთს 10 000 ჯარისკაცის გაგზავნას დაჰპირდა. მათი ცნობით, ჯარისკაცების გაგზავნის დასრულება დეკემბრისთვის არის მოსალოდნელი.
