უკრაინამ ოკუპირებულ ყირიმში, ქალაქ ფეოდოსიაში რუსულ ნავთობის ბაზაზე უპილოტო საფრენი აპარატებით იერიში მიიტანა.
"ფეოდოსიის ნავთობბაზაზე ხანძარი, ადგილზე მუშაობენ საგანგებო სიტუაციების სამინისტროს თანამშრომლები". – წერს ოკუპირებული ყირიმის ადმინისტრაციის ე.წ. მრჩეველი ოლეგ კრიუჩკოვი.
საოკუპაციო რეჟიმის წარმომადგენელის თქმით, დაღუპულები და დაშავებულები არ არიან.
მოგვიანებით ნავთობბაზაზე იერიში დაადასტურა უკრაინის შეიარაღებულმა ძალებმა:
"ფეოდოსიის ნავთობის ტერმინალი ყირიმში უმსხვილესია, რომელსაც რუსეთი საოკუპაციო ჯარის მომარაგებისთვის იყენებდა".
რუსეთის თავდაცვის სამინისტროს მტკიცებით ყირიმის თავზე საჰაერო თავდაცვის ძალებმა 12 უკრაინული დრონი გაანადგურა.
ქალაქში საგანგებო მდგომარეობაა გამოცხადებული.
