ლონდონის ცენტრალურ უბანში, სომერსეტ ჰაუსის ისტორიულ შენობას ცეცხლი გაუჩნდა - ამის შესახებ ინფორმაციას ბრიტანული გამოცემა, BBC ავრცელებს.
გამოცემის თქმით, ხანძრის კერა პირველად შენობის დასავლეთ ფრთაში გაჩნდა, ხოლო მის ლიკვიდაციას 125 მეხანძრე ამ დრომდე ცდილობს.
ხანძარი ამ ეტაპზე ლოკალიზებულია სახურავის ნაწილთან.
BBC-ის ცნობით, ხანძრისას არ დაზიანებულა არცერთი ნამუშევარი, რომელიც სომერსეტ ჰაუსში ინახება.
სომერსეტ ჰაუსი, რომელშიც სხვადასხვა ხელოვნური არტეფაქტებია შენახული გარკვეული დროის მანძილზე დახურული დარჩება მისი სტუმრებისთვის.
ხანძრის გამომწვევი მიზეზი ამ ეტაპზე უცნობია - ლონდონის სასწრაფო დახმარების სამსახური მოსახლეობას ურჩევს თავი აარიდოს ტერიტორიას ძლიერი კვამლის გამო.
