საქართველოს ეროვნული ნაკრებისა და ვალენსიის მეკარემ, გიორგი მამარდაშვილმა საკლუბო კარიერა შესაძლოა ინგლისის პრემიერ ლიგაში, ლივერპულში გააგრძელოს.
შესაძლო ტრანსფერის შესახებ ინფორმაციას იტალიელი სპორტული ჟურნალისტი ფაბრიციო რომანო სოციალურ ქსელ X-ში ავრცელებს.
"ლივერპული გიორგი მამარდაშვილის ვალენსიიდან ყიდვას და შემდეგ მის განათხოვრებას სერიოზულად განიხილავს.
ფინალური გადაწყვეტილება ჯერ არ მიღებულა, ლივერპულის გადასაწყვეტია, გუნდს შეთანხმების მისაღწევად €30 მილიონზე მეტი ექნება გადასახდელი". – წერს რომანო.
რომანოს თქმით, მამარდაშვილის იჯარით აღებით ბორნმუთა დაინტერესებული, ხოლო წლევანდელ სეზონში ლივერპულის კარს კვლავ ალისონი დაიცავს.
