გორის საკრებულოს თავმჯდომარე, დავით რაზმაძე ამბობს, რომ ვინც "საქართველოს შიდა საქმეებში ერევა", ქვეყნის მტერია.
"ჩვენი მტერია, ვინც საქართველოს სუვერენიტეტსა და შიდა საქმეებში ერევა". - თქვა რაზმაძემ.
მთავარი არხის ჟურნალისტის კითხვაზე, თუ ვინ ერევა, რაზმაძემ უპასუხა - "დასავლეთიდან უამრავი, აშშ-დან უამრავი. ამერიკის პოზიცია საერთოდ გაურკვეველია".
ჟურნალისტმა რაზმაძეს ასევე ჰკითხა, რუსეთი და დასავლეთი ერთ სიბრტყეზე უნდა დავაყენოთ თუ არა.
"ერთ სიბრტყეზე დავაყენებ, ვინც საქართველოსთვის არ იქნება". - უპასუხა გორის საკრებულოს თავმჯდომარემ.
