საგანგებო სიტუაციების მართვის სამსახურის ინფორმაციით, თელავში, ხევში გადაადგილებისას 2 მოზარდი დაიკარგა. ისინი რთული რელიეფის გამო უსაფრთხო ადგილზე დამოუკიდებლად გამოსვლას ვერ ახერხებდნენ.
"ადგილზე გამოცხადდნენ საგანგებო სიტუაციების მართვის სამსახურის თანამშრომლები. მეხანძრე-მაშველებმა მოზარდები სპეციალური აღჭურვილობის საშუალებით ხევიდან, 25 მეტრის სიღრმიდან, უვნებლად გამოიყვანეს". - ნათქვამია საგანგებო სიტუაციების მართვის სამსახურის განცხადებაში.
სამსახურის ინფორმაციითვე, მოზარდების ჯანმრთელობას საფრთხე არ ემუქრება.
