ხვიჩია: უპატრონო ქონება უნდა გადავანაწილოთ, რომ პენსიონერი თვის ბოლოს 100 ლარს არ ელოდებოდეს

უნდა გავერკვიოთ, რა არის პენსია. ეს თუ სოციალური დახმარებაა, მაშინ ყველას თანაბრად რატომ ვეხმარებით? პენსიონერები შუაზე რომ გავყოთ, ნახევარზე მეტი ცხოვრობს უფრო მდიდარ ოჯახებში, ხოლო ნახევარზე ნაკლები უფრო ღარიბ ოჯახებში. წარმოიდგინეთ, ბიძინა ივანიშვილი გახლავთ პენსიონერი, ბატონი ხაზარაძეც ცოტა ხანში გახდება პენსიონერი. ყველას თანბრად რატომ ეხმარები, თუ სოციალური დახმარებაა ეს? მოდი, პირობითად, საერთოდ არ მისცე ივანიშვილს, ხაზარაძეს, მათ მეგობრებს, არაა პრობლემა, მათ ისედაც შეუძლიათ, საკუთარ თავს მიხედონ და იმ ქვედა ზღვარში ვინც არის, იმას რომ დაეხმარო, უფრო მორალური და სწორია. [...] ადამიანებს პენსიის იმედი კი არ უნდა ჰქონდეთ, არამედ ისეთი სისტემა უნდა მოვაწყოთ ამ ქვეყანაში, მათ შორის პენსიონერებზე და არაპენსიონერებზე უპატრონო ქონების გადანაწილებით, რომ 100 ლარს კი არ ელოდებოდეს თვის ბოლოს, არამედ ათი ათასობით დოლარის ქონება, რომელიც უპატრონოა, ის მოიხმაროს, სანამ ცოცხალია. ეს მგონია პენსიონერების დახმარების მთავარი პროგრამა.