რუსულმა საოკუპაციო ძალებმა 22 დეკემბრის ღამეს უკრაინის მიმართულებით 28 დრონი გაუშვეს, რომლიდანაც 24 საჰაერო თავდაცვის ძალებმა გაანადგურა.
"ღამით რუსმა ოკუპანტებმა კიდევ ერთხელ მიიტანეს იერიში უკრაინაზე, გამოყენებულ იქნა შაჰედის ტიპის 28 დრონი. საჰაერო ძალების მიერ განადგურებულია 24 უპილოტო საფრენი აპარატი". – წერია უკრაინის შეიარაღებული ძალების ანგარიშში.
დრონები გაშვებული იყო რუსეთის პრიმორსკო-ახტარსკის და კურსკის ოლქებიდან, ასევე ოკუპირებული ყირიმიდან. ერთ-ერთი დრონი კიევში, საცხოვრებელ სახლს დაეჯახა, არიან დაშავებულები.
რუსეთი უკრაინას არტილერიითა და ავიაციით ყოველდღიურად ბომბავს.
