რუსეთმა სარაკეტო იერიში მიიტანა ოდესის პორტში მდგარ ლიბერიულ სატვირთო გემზე. არიან დაშავებულები და დაღუპულები.
დარტყმის შედეგად დაიღუპა უკრაინის მოქალაქე ლოცმანი, ასევე დაშავდა 3 ფილიპინების მოქალაქე მეზღვაური, 1 მათგანი საავადმყოფოშია გადაყვანილი. აფეთქებისას ასევე დაშავდნენ პორტის თანამშრომლები.
"გრძელდება სამოქალაქო ნაოსნობის ტერორი, მტერმა X-31P ტიპის რაკეტით იერიში მიიტანა ოდესის პორტის მიმართულებით. რაკეტა ლიბერიის დროშის ქვეშ მყოფ სატვირთო გემს მოხვდა". – წერს ოდესის პროკურატურა.
სატვირთო გემს ჩინეთის მიმართულებით რკინის მადანი გადაჰქონდა. დიდი ალბათობით გემის მფლობელი კომპანია რუსეთისგან კომპენსაციას მოითხოვს.
