28 ოქტომბერს, საღამოს საათებში რუსულმა ჯარებმა ქალაქ ხერსონის სამხრეთ ნაწილში მდებარე კორაბელნის რაიონი დაბომბეს. შეტევის შედეგად 1 ადამიანი დაშავდა. ამის შესახებ ინფორმაციას ხერსონის ოლქის სამხედრო ადმინისტრაცია Telegram არხზე ავრცელებს.
"რუსეთის არმიამ მორიგი შეტევა ხერსონის კორაბელნის რაიონზე დაიწყო". - ნათქვამია ადმინისტრაციის Telegram-ზე.
ოლქის სამხედრო ადმინისტრაციის ცნობით, მამაკაცს ჭრილობები თავისა და კისრის არეში აქვს მიყენებული, დაშავებული საავადმყოფოში გადაიყვანეს.
