ქარსელაძე პუტინთან ბანკეტზე: კონფერენციებს ესწრებიან სხვადასხვა ქვეყნის წარმომადგენლები

კონფერენციებს ახასიათებს, რომ მას ესწრებიან სხვადასხვა ქვეყნის წარმომადგენლები. დისკომფორტი არის როდესაც ჩვენი ტერიტორიების 20% არის ოკუპირებული, დისკომფორტი და უფრო მეტიც არის და იმისთვის ვშრომობთ, იმისთვის ვაკეთებთ ყველაფერს, რომ ქვეყანა გაძლიერდეს და მშვიდობიანად დაიბრუნოს ეს ოკუპირებული ტერიტორიები. ვფიქრობ, ამომწურავად გაგეცით პასუხი.

უპასუხა რეგიონალური განვითარებისა და ინფრასტრუქტურის მინისტრმა, ირაკლი ქარსელაძემ ჟურნალისტებს შეკითხვაზე, შეექმნა თუ არა მას უხერხულობა, იმის გამო, რომ მისი კოლეგა ოკუპანტი ქვეყნის ლიდერთან ერთად ესწრებოდა კონფერენციას.

ჩინეთში 18 ოქტომბერს გამართული ღონისძიების ფარგლებში გამართულ ბანკეტს რუსეთის პრეზიდენტ ვლადიმირ პუტინთან ერთად საქართველოს ვიცეპრემიერი და ეკონომიკის მინისტრი, ლევან დავითაშვილი დაესწრო.