ლარის კურსი ევროსთან მიმართებით 0.19 თეთრით გაუფასურდა, ხოლო დოლართან - იგივე დარჩა. 18 ოქტომბრის ვაჭრობის შედეგად, ერთი დოლარის ოფიციალური გაცვლითი კურსი 2.6925 ლარია, ერთი ევროსი კი - 2.8422 ლარი.
მას შემდეგ, რაც აშშ-ს სახელმწიფო დეპარტამენტმა ოთარ ფარცხალაძე დაასანქცირა, ეროვნულმა ბანკმა კურსის სტაბილურობისთვის ჯამში 149 650 000 აშშ დოლარი გაყიდა, მათ შორის 40 000 000 დოლარი გუშინ, 17 ოქტომბერს.
- თურნავას საგამონაკლისო ბრძანება ფარცხალაძეზე, სებ-მა სანქციების შესრულების წესი შეცვალა
- რეფინანსირების განაკვეთი 10% გახდა – სებ-მა მისი 0.25%-ით შემცირების გადაწყვეტილება მიიღო
კომერციულ ბანკებში დოლარის ღირებულება 2.73 ლარია, ხოლო ევროსი - 2.90 ლარი. რაც შეეხება სავალუტო ჯიხურებს, დოლარის შეძენა 2.70 ლარად შეგიძლიათ, ევროსი - 2.85 ლარად.
