გარემოს ეროვნული სააგენტოს ცნობით, 16 ოქტომბრის დღის ბოლოდან, 17 ოქტომბრის დღის ბოლომდე დასავლეთ საქართველოში მოსალოდნელია წვიმა ელჭექით, ზღვაზე კი შესაძლებელია 3-4 ბალიანი შტორმული ღელვა.
სააგენტოს ინფორმაციით, ამ პერიოდში საქართველოს ტერიტორიის უმეტეს ნაწილზე დასავლეთის მიმართულების ძლიერი ქარი იქროლებს.
სინოპტიკოსების თქმით, შესაძლებელია, მოსალოდნელმა ნალექებმა დასავლეთ საქართველოს მთიან და გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.
