დღეიდან, ქვეყნის მასშტაბით, გრიპის საწინააღმდეგო ვაქცინაცია დაიწყო.
რისკ ჯგუფებს, ვისაც დაავადების გართულების მომატებული რისკი აქვთ, გრიპის ვირუსის საწინააღმდეგო ვაქცინაცია უფასოდ უტარდებათ.
იმუნიზაციის სახელმწიფო პროგრამის ფარგლებში, ჯანდაცვის სამინისტრომ Abbott Biologicals B.V.-ის წარმოების ოთხკომპონენტიანი ვაქცინის 200 000 დოზა შეიძინა.
"ჯანმოს მიერ რეკომენდებული ვაქცინა მორგებულია იმ შტამებზე, რომლთა ცირკულაცია მოსალოდნელია გრიპის სეზონზე" - აღნიშნავს სამინისტრო.
2023-2024 წლების გრიპის სეზონისათვის ქვეყანაში გრიპის ვაქცინაციის მიზნით მაღალი რისკის ჯგუფებად განისაზღვრა:
- შაქრიანი დიაბეტის მქონე პირები;
- დიალიზზე მყოფი პირები;
- მკურნალობის ქვეშ მყოფი C ჰეპატიტის მქონე პირები;
- აივ ინფექცია/შიდსის მქონე პირები;
- ორგანოგადანერგილი და მუკოვისციდოზის დაავადების მქონე პირები;
- ორსულები;
- 60 წელს გადაცილებული, ხანდაზმული პირები;
- სკოლების პედაგოგები;
- ბავშვთა და მოხუცთა თავშესაფრების ბენეფიციარები;
- სავალდებულო ვაქცინაციას დაქვემდებარებული მედპერსონალი.
რისკის ჯგუფის მოქალაქეების ვაქცინაცია იმუნიზაციის სერვისის მიმწოდებელ დაწესებულებებში იქნება შესაძლებელი. ჩამონათვალი იხილეთ ბმულზე https://shorturl.at/jsuBH