ბრიტანეთის დაზვერვამ უკრაინაში მიმდინარე სამხედრო მოქმედებების შესახებ მორიგი ანგარიში გამოაქვეყნა.
"2023 წლის 28 სექტემბერს, ფრონტის ხაზამდე 20 კილომეტრით უკან, რუსეთის საჰაერო თავდაცვის ძალებმა დიდი ალბათობით საკუთარი SU-35S Flanker M მოდელის ავიაგამანადგურებელი ტოკმაკის მახლობლად ჩამოაგდეს". – წერია დაზვერვის გვერდზე.
სექტემბერის ბოლოს უკრაინულ მედიაში გავრცელდა ცნობა იმის შესახებ, რომ რუსებმა საკუთარი ავიაგამანადგურებელი ჩამოაგდეს.
"გუშინ გავრცელდა ინფორმაცია ზაპორიჟიეს ოლქის ქალაქ ტოკმაკთან რუსული Су-35-ის ჩამოგდების შესახებ. დამპყრობელთა საჰაერო თავდაცვამ საკუთარი, დაახლოებით 100 მილიონი აშშ დოლარის ღირებულების თვითმფრინავი გაანადგურა". – წერდა 30 სექტემბერს უკრაინელი ბლოგერი და ჟურნალისტი იური ბუტუსოვი.