საბერძნეთის პოლიციის ცნობით, ექვსი ადამიანი ემსხვერპლა ათენის მახლობლად მდებარე ზღვისპირა ქალაქში სროლას. სახელმწიფო ტელევიზიის ინფორმაციით, ხელისუფლება ეჭვობს, რომ ეს იყო კრიმინალური დაჯგუფებებს შორის დაპირისპირება.
პოლიციის განცხადებაში ნათქვამია, რომ ცხედრები ორშაბათს საღამოს აღმოაჩინეს არტემიდაში, ათენიდან აღმოსავლეთით დაახლოებით 12 მილის დაშორებით. პოლიციას არ უთქვამს დამატებითი დეტალები სროლის გარემოებებზე ან მსხვერპლთა ვინაობაზე.
ბერძნული მედიის თქმით, ექვსივე მსხვერპლი კაცია და ისინი გერმანული სანომრე ნიშნის მქონე მანქანაში და მის მახლობლად იპოვეს. ასევე ნაპოვნია 25 ჭურვი, პოლიცია კი ეძებს მანქანასა და მოტოციკლს, რომლებიც, სავარაუდოდ, თავდამსხმელებმა გამოიყენეს.
