საავტომობილო გზების დეპარტამენტის ინფორმაციით, ჟინვალი-ბარისახო-შატილის გზის მონაკვეთებზე მოძრაობა აღდგა.
"ჩატარებული გაწმენდითი სამუშაოების შედეგად, შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის 90-ე და 79-ე კმ-ებზე ავტოტრანსპორტის მოძრაობა თავისუფალია". - აღნიშნულია გზების დეპარტამენტის განცხადებაში.
აქამდე უწყებამ გაავრცელა განცხადება, რომლის თანახმად, შატილის მიმართულებით წვიმის გამო მიწა ჩამოიშალა, რის შედეგადაც ჟინვალი-ბარისახო-შატილის გზაზე ავტომობილების გადაადგილება აკრძალული იყო.