უკრაინამ რუსეთის მიერ ხერსონისა და დნეპროპეტროვსკის ოლქებში გაშვებული ირანული წარმოების ოთხივე შაჰედის დრონი გაანადგურა. ამის შესახებ ინფორმაციას უკრაინის საჰაერო ძალები ავრცელებს.
ოკუპანტებმა უკრაინას სამხრეთ-აღმოსავლეთიდან 4 დრონით შეუტიეს. მათ შორის, რუსეთის ძალებმა დნეპროპეტროვსკის ოლქზე თავდასხმა 2 შაჰედის დრონით განახორციელეს, რომლებიც უკრაინის საჰაერო თავდაცვამ გაანადგურა. ჩამოგდებული უპილოტო საფრენი აპარატის ნამსხვრევები კერძო სასოფლო-სამეურნეო კომპანიის ტერიტორიაზე დაეცა, რამაც ხანძარი გამოიწვია. სამაშველო ჯგუფებმა ხანძრის ლიკვიდირება სწრაფად შეძლეს, თუმცა, დაზიანდა საწყობი.
ამჟამინდელი ინფორმაციით, 30 ივლისს ღამით ოკუპანტების თავდასხმის შედეგად არ არიან დაღუპულები და დაშავებულები.
