რუსეთის მიერ ანექსირებული ყირიმის ე.წ. მეთაური, სერგეი აკსიონოვი ირწმუნება, რომ ნახევარკუნძულზე დრონით იერიში კვლავ მიიტანეს.
აკსიონოვის თქმით თავდასხმა მიიტანეს ნახევარკუნძულის ჩრდილო-აღმოსავლეთით მდებარე დასახლებულ პუნქტზე. მისივე ინფორმაციით, შემთხვევის შედეგად, დაიღუპა მოზარდი გოგო და დაშავდა 4 ადმინისტრაციული შენობა.
უკრაინის საპორტო ქალაქ ოდესაზე მიტანილი იერიშების პარალელურად, რუსეთი ბოლო დღეებში ყირიმზე თავდასხმებთან დაკავშირებით ცნობებს ავრცელებს. ამას გარდა, გასულ დღეს, 19 ივლისს ყირიმზე მდებარე პოლიგონი იწვოდა.