გლდანის პარკში ადმინისტრაციამ ცისარტყელას შვიდფეროვანი ქოლგები ჩამოხსნა. ამის შესახებ ინფორმაციას პარკის ადმინისტრაცია სოციალურ ქსელში ავრცელებს.
მათი განმარტებით, "ცისარტყელას ფერებში ქოლგები მხოლოდ და მხოლოდ დეკორაციაა და ბავშვთა მხიარული განწყობისთვის შეიქმნა".
"რაც შეეხება აღნიშნულ ქოლგებს, რამაც აჟიოტაჟი გამოიწვია საზოგადოებაში, ეს არის გადახალისების ეტაპის ერთ-ერთი ნაწილი, ქოლგების ცნობილი დეკორაცია, რომელსაც მსოფლიოს სხვადასხვა ქვეყანაში შეხვდებით, ვიმეორებთ ეს არის მხოლოდ და მხოლოდ დეკორაცია, ფერადი ქოლგები ცისარტყელას ფერებში ბავშვთა მხიარული განწყობისთვის შეირჩა და მას სხვა არანაირი დატვირთვა ჩვენთვის არ აქვს, არ ვეწევით არანაირ პროპაგანდას, თქვენ ჩვენ ქართველობას არ გართმევთ და მოდით ნუ წავართმევთ ბავშვებს ბავშვობას და ცისარტყელის ფერებს და მხიარულებას". - ვკითხულობთ გლდანის პარკის ადმინისტრაციის განცხადებაში.
