უკრაინის საგარეო საქმეთა მინისტრმა, დმიტრო კულებამ აღნიშნა, რომ რუსეთის წინააღმდეგ უკრაინას კონტრშეტევისთვის საკმარისი იარაღი აქვს.
კულებას განმარტებით, კონტრშეტევა უკრაინას მოუტანს გამარჯვებას, რომელიც მას NATO-ში გასაწევრიანებლად სჭირდება.
გარდა ამისა, მისივე თქმით, NATO-ს სამხედრო ალიანსში გაწევრიანება სავარაუდოდ უკრაინისთვის მხოლოდ აქტიური საომარი მოქმედებების დასრულების შემდეგ იქნება შესაძლებელი.
ამასთანავე, კულებამ აღნიშნა, რომ NATO-ში გაწევრიანება უკრაინის დღის წესრიგის შემდგომი დიდი სამიზნე გახდა მას შემდეგ, რაც მისი ზოგიერთი მოკავშირე დათანხმდა უკრაინელი მფრინავები F-16-ის ტიპის მოიერიშე თვითმფრინავების მართვაში მოემზადებინა.
"NATO-ს წევრობა ვერ შეაჩერებს ამ ომს, მაგრამ NATO-ს წევრობა შეაჩერებს შემდგომ ომებს. სწორედ ამიტომ, რეგიონში უსაფრთხოების უზრუნველსაყოფად საუკეთესო გზა არის იმ მომენტამდე მისვლა, როდესაც უკრაინა გახდება NATO-ს წევრი". - თქვა კულებამ.