თბილისის სავაჭრო ცენტრ East Point-ში ევაკუაციაა გამოცხადებული. ამის შესახებ ინფორმაციას სავაჭროს ცენტრი ავრცელებს.
"ისთ ფოინთის საინფორმაციო ცენტრში დაფიქსირდა შეტყობინება იმის შესახებ, რომ სავაჭრო ცენტრი დანაღმულია. შეტყობინების დაფიქსირებისთანავე, უსაფრთხოების ინსტრუქციის თანახმად მივმართეთ 112-ს.
ამ ეტაპზე 112-ის უსაფრთხოების პროტოკოლის შესაბამისად მიმდინარეობს ევაკუაცია და მთელი ღამის განმავლობაში ჩატარდება სამუშაოები". - აღნიშნულია East Point-ის განცხადებაში.
ამავე ინფორმაციით, სავაჭრო ცენტრი მუშაობას 6 ივნისს, 10:00 საათიდან განაგრძობს.