რუსეთის თავდაცვის სამინისტრო იუწყება, რომ უკრაინული საზღვაო დრონები შავ ზღვაში რუსულ სადაზვერვო ხომალდს, Иван Хурс-ს თავს დაესხნენ.
თავდაცვის სამინისტროს ინფორმაციით, თავდასხმა დილის 05:30-ზე, ბოსფორიდან ჩრდილო-აღმოსავლეთით, 140 კილომეტრში მოხდა.
თავდასხმაში 3 საზღვაო დრონი მონაწილეობდა. რუსეთის თავდაცვის უწყების სპიკერის, იგორ კონაშენკოვის ცნობით, სამივე მათგანი განადგურებულია.
"უკრაინის შეიარაღებულ ძალებს სამი სწრაფმავალი უეკიპაჟო კატერით შავ ზღვის ხომალდ Иван Хурс-ზე თავდასხმის წარუმატებელი მცდელობა ჰქონდათ. ხომალდი თურქეთის ეკონომიკურ ზონაში გაზსადენების, "თურქული ნაკადისა" და "ლურჯი ნაკადის" უსაფრთხოების უზრუნველყოფის ამოცანებს ასრულებდა". - აღნიშნა შემთხვევასთან დაკავშირებით კონაშენკოვმა.
უკრაინულ მხარეს შემთხვევასთან დაკავშირებით არანაირი ინფორმაცია გაუვრცელებია.