რუსეთის ფედერაციის პრემიერმინისტრის, მიხაილ მიშუსტინის თქმით, რუსეთსა და ჩინეთს შორის ვაჭრობა, სავარაუდოდ, წელს ახალ რეკორდულ დონეს, $200 მილიარდს მიაღწევს. ამის შესახებ მან ჩინეთში ვიზიტისას ისაუბრა.
"მჯერა, რომ წელს ჩვენ შევძლებთ ორი ქვეყნის ლიდერების მიერ დასახულ მიზნებს მივაღწიოთ და ვაჭრობა $200 მილიარდამდე გავზარდოთ". – თქვა მიშუსტინმა შანხაიში ჩინეთ-რუსეთის ბიზნეს ფორუმზე გამოსვლისას.
გარდა ამისა, მიშუსტინის თქმით, ჩინეთთან ენერგეტიკული თანამშრომლობა რუსეთის "აბსოლუტურ პრიორიტეტად" რჩება.
როგორც CNN წერს, გასულ წელს, ჩინეთ-რუსეთის ორმხრივი ვაჭრობა თითქმის 30%-ით გაიზარდა და რეკორდულ დონეს - $190 მილიარდს მიაღწია, ძირითადად, ჩინეთის მიერ რუსული ენერგიის შეძენით. ჩინეთის საბაჟო მონაცემებით, წელს მათი ვაჭრობა აგრძელებდა ზრდას, პირველ ოთხ თვეში კი 41%-ით გაიზარდა.
