ბრაზილიის სამხრეთით, შტატ სანტა-კატარინაში, 25 წლის ნაჯახით შეიარაღებული კაცი სკოლამდელი აღზრდის დაწესებულებაში შეიჭრა. გარდაცვლილია ოთხი არასრულწლოვანი, დაშავდა სულ მცირე ხუთი მათგანი.
გავრცელებული ინფორმაციით, გარდაცვლილ არასრულწლოვანთა ასაკი 5-დან 7 წლამდე იყო. შემთხვევის დროს დაწესებულებაში 40-მდე აღსაზრდელი იმყოფებოდა.
თავმდამსხმელი პოლიციას ჩაბარდა. გამომძიებლები თავდასხმის მოტივს იძიებენ.
ქალაქის მერის, მარიო ჰილდებრანდტის თქმით, სასწავლო პროცესი შეჩერდება. ამასთან ცხადდება 30-დღიანი გლოვა. როგორც მერმა განაცხადა, ხუთი დაჭრილი ბავშვი, რომელთა ასაკი სამიდან ხუთ წლამდეა, საავადმყოფოებში გადაიყვანეს. ერთ-ერთი მათგანის მდგომარეობა მძიმეა.
შემთხვევა ადგილობრივი დროით 09:00 საათისთვის მოხდა.
