რუსმა ოკუპანტებმა უიარაღო უკრაინელი სამხედრო ტყვე მას შემდეგ ჩაცხრილეს, რაც მან Слава Україні [დიდება უკრაინას] წარმოთქვა. ვიდეო უკრაინულ მედიაში ვრცელდება.
კადრებში ჩანს ტყვეობაში მყოფი უკრაინელი ჯარისკაცი, რომელიც ამბობს: “დიდება უკრაინას“. ამის შემდეგ კი რუსები მას აგინებენ და ესვრიან.
აღნიშნულ ფაქტს უკრაინის პრეზიდენტის ადმინისტრაციის უფროსი, ანდრეი ერმაკი Telegram-ზე გამოეხმაურა. მისი თქმით, ყოველი ასეთი სამხედრო დანაშაულის ჩადენისთვის რუსები პასუხს აგებენ.
