რუსეთ-უკრაინის 2022-24 წლის ომი

ალექსანდრ ლუკაშენკო ოფიციალური ვიზიტით ჩინეთში ჩავიდა

Maxim Gucheck/BELTA

28 თებერვალს ბელარუსის პრეზიდენტი, ალექსანდრ ლუკაშენკო ჩინეთში ჩავიდა. ლუკაშენკო პეკინში 2 მარტამდე დარჩება.

ვიზიტის ფარგლებში დაგეგმილია ბელარუსის პრეზიდენტის შეხვედრა ჩინეთის პრეზიდენტთან, სი ძინფინგთან.

ბელარუსის მედიის, Belta-ს ინფორმაციით, მხარეები ვაჭრობისა და ინვესტიციების საკითხებთან ერთად საერთაშორისო მასშტაბით არსებულ გამოწვევებსაც განიხილავენ.

"ლიდერები მიღწეულ შედეგებს შეაფასებენ და დასახავენ გეგმებს, რათა ორ ქვეყანას შორის თანამშრომლობა კიდევ უფრო მეტად გაღრმავდეს". - წერს ბელარუსული მედია.

ჩინეთის სახელმწიფო მაუწყებლობა, CCTV ბელარუსის პრეზიდენტის პეკინში ვიზიტის კადრებს ავრცელებს. ფოტოებიდან ჩანს, რომ ლუკაშენკომ ტიანანმენის მოედანზე გმირთა მემორიალი მოინახულა.

კომენტარები