17 თებერვალს გერმანიის 7 აეროპორტში თანამშრომლებმა ხელფასების გაზრდის მოთხოვნით 24-საათიანი გაფიცვა გამოაცხადეს. ამის შესახებ ინფორმაციას სააგენტო Reuters-ი ავრცელებს.
გერმანიის აეროპორტების ასოციაციის ცნობით, ბრემენის, დორტმუნდის, ფრანკფურტის, ჰამბურგის, ჰანოვერის, მიუნხენის და შტუტგარტის აეროპორტებში 2 340 რეისი გაუქმდა, ხოლო 295 000 მგზავრი დაზარალდა.
"თუ ახლა არაფერი გაკეთდება ანაზღაურებასთან დაკავშირებით, ჩვენ, ყველანი მორიგი ქაოსური ზაფხულის წინაშე ვიქნებით". – თქვა გერმანიის პროფკავშირის, ვერდის თავმჯდომარის მოადგილემ, ქრისტინე ბეჰლემ.
სააგენტო Reuters-ი რუმინეთის ოფიციალურ წარმომადგენელზე დაყრდნობით წერს, რომ რუმინეთის საგარეო საქმეთა მინისტრი უნდა ჩამოსულიყო ერთ-ერთი გაუქმებული რეისით. თუმცა, გაფიცვის გამო მას მოუწია, ავსტრიაში ჩაფრენა და შემდეგ მიუნხენში მანქანით გამგზავრება.
აღსანიშნავია, რომ უსაფრთხოების 59-ე კონფერენცია სწორედ 17 თებერვალს გაიხსნა.
